گاندھی ہاسپٹل میں پہلا سرکاری آئی وی ایف سنٹر: ہریش راؤ کا ٹوئیٹ

حیدرآباد: تلنگانہ کے وزیر صحت ہریش راو نے کہا ہے کہ آج کی تاریخ ایک تاریخی سنگ میل ہے کیونکہ تلنگانہ حکومت نے حکومت کی جانب سے چلائے جانے والے گاندھی اسپتال میں پہلا سرکاری آئی وی ایف سنٹر قائم کیا ہے۔

سوشیل میڈیا کے اہم پلیٹ فارم ایکس پر سرگرم وزیرموصوف نے اس خصوص میں کئے گئے ٹوئیٹ میں بصیرت انگیزقیادت پر وزیراعلی سے اظہار تشکر کرتے ہوئے کہاکہ مہنگاآئی وی ایف علاج اب مفت ہوگا، ان خدمات کو عوام کے لئے قابل رسائی اور قابل دسترس بنایاگیا ہے۔

تلنگانہ، راہ پر قیادت کا سلسلہ جاری رکھے ہوئے ہے اور ایک مثال قائم کررہا ہے کہ پوراملک اس کی تقلید کرے۔صحت مند تلنگانہ کے کارنامہ کا جشن منانے کیلئے ہم سے جڑے رہیں۔انہوں نے لکھا”تلنگانہ جس پر عمل کرتا ہے ملک اس کی تقلید کرتا ہے“۔