کانگریس کے سابق ایم ایل اے ستیہ پرکاش سکھوار بی جے پی میں شامل

بھوپال: مدھیہ پردیش کے مرینا ضلع سے ایم ایل اے رہے کانگریس لیڈر ستیہ پرکاش سکھوارنے آج بھارتیہ جنتا پارٹی کی رکنیت لے لی۔ سکھوار نے یہاں بی جے پی کے ریاستی دفتر میں پارٹی کی ریاستی اکائی کے صدر وشنودت شرما کی موجودگی میں پارٹی کی رکنیت حاصل کی۔

پیشے سے وکیل مسٹر سکھوارمرینا ضلع کی امباہ اسمبلی سیٹ سے بہوجن سماج پارٹی کے ایم ایل اے رہ چکے ہیں۔ وہ بی ایس پی لیجسلیچر پارٹی کے لیڈر بھی تھے۔ سال 2019 میں انہوں نے کانگریس کی رکنیت لی تھی۔ اس کے بعد اب انہوں نے کانگریس کا ساتھ چھوڑ کر بی جے پی کا دامن تھام لیا ہے۔

اس موقع پر انہوں نے کانگریس پر الزام لگایا کہ پارٹی میں کوئی لیڈر نہیں ہے۔ پارٹی گروپ میں بٹی ہوئی ہے، جہاں کسی کی نہیں سنی جاتی۔