سابق وزیراعلی تلنگانہ کے چندر شیکھر راو پھر اسپتال سے رجوع
ان کے ہمراہ سابق وزرا کے ٹی راما راؤ اور ہریش راؤ بھی موجود تھے۔ واضح رہے کہ اسمبلی انتخابات کے بعد ان کا پیرزخمی ہوگیاتھا جس کے بعد وہ کچھ دنوں میں صحت یاب ہوئے۔
حیدرآباد: تلنگانہ کے سابق وزیراعلیٰ کے چندرشیکھر راؤ (کے سی آر) نے ایک بار پھر ہفتہ کو اے آئی جی اسپتال کا رخ کیا۔
اطلاعات کے مطابق جمعہ کے روز بھی وہ اسپتال گئے تھے جہاں ان کے مختلف طبی معائنے کئے گئے۔ ہفتہ کو دوبارہ اسپتال پہنچے۔
ان کے ہمراہ سابق وزرا کے ٹی راما راؤ اور ہریش راؤ بھی موجود تھے۔ واضح رہے کہ اسمبلی انتخابات کے بعد ان کا پیرزخمی ہوگیاتھا جس کے بعد وہ کچھ دنوں میں صحت یاب ہوئے۔
اگرچہ وہ لوک سبھا انتخابات کے دوران عوامی جلسوں میں نظر آئے، لیکن اس کے بعد سے پارٹی سرگرمیوں میں ان کی شرکت نہایت محدود ہو چکی ہے۔
ذرائع کے مطابق وہ اس وقت زیادہ تر وقت اپنے فارم ہاؤس میں آرام کرتے ہوئے گزار رہے ہیں۔
ایک ایسے وقت جب کہ ریاست میں جلد ہی ادارہ جات مقامی کے انتخابات متوقع ہیں، یہ سوال اب عوام میں زیر بحث ہے کہ آیا کے سی آر دوبارہ سیاسی میدان میں سرگرم ہوں گے یا نہیں؟
