تلنگانہ

دواخانوں میں مریضوں کے ساتھ اخلاق سے پیش آئیں: ہریش راؤ

ہریش راؤ نے محکمہ صحت کے ذمہ داروں کو علاج معالجہ کیلئے دواخانوں سے رجوع ہونے والے مریضوں کے ساتھ اخلاق سے پیش آنے اور سرکاری دواخانوں میں دستیاب طبی سہولتوں سے انہیں واقف کرانے کی ہدایت دی۔

حیدرآباد: ریاستی وزیر صحت ٹی ہریش راؤ نے محکمہ صحت کے ذمہ داروں کو علاج معالجہ کیلئے دواخانوں سے رجوع ہونے والے مریضوں کے ساتھ اخلاق سے پیش آنے اور سرکاری دواخانوں میں دستیاب طبی سہولتوں سے انہیں واقف کرانے کی ہدایت دی۔

متعلقہ خبریں
لیموں کرے جواں!
غزہ کے انڈونیشیا ہاسپٹل پر اسرائیلی بمباری، ایک درجن فلسطینی شہید
کانگریس اقتدار کے 100 دنوں میں 180 کسانوں کی خود کشی
آٹو ڈرائیورس کو ماہانہ 15ہزار روپے الاونس دینے کا مطالبہ
ہسپتال کے بجائے یوٹیوب چانلس قائم کرنا چاہئے تھا

آج سدی پیٹ میں سرواجنا سرکاری ہاسپٹل میں ای سی آئی ایل کے تعاون سے70لاکھ روپے مالیتی لیپرواسکو پی ویکیوم مشین کا افتتاح عمل میں لانے کے بعد خطاب کرتے ہوئے انہوں نے کہا کہ کارپوریٹ سوشل ریسپانسیبیلیٹی کے تحت ای سی آئی ایل کی جانب سے لیپرواسکوپی ویکیوم کی فراہمی کیلئے شکریہ ادا کیا۔

ہریش راؤ نے کہا کہ ضلع میں 99.9 فیصد زجگیاں دواخانوں میں ہورہی ہیں جن میں 66فیصد سرکاری دواخانوں میں ہورہی ہیں۔ صرف 33.9 فیصد ہی خانگی دواخانوں میں ہورہی ہیں۔

وزیر صحت نے کہا کہ خانگی دواخانوں میں زیادہ زجگیاں آپریشن کے ذریعہ ہونے کے متعلق شکایتیں وصول ہورہی ہیں۔ انہوں نے ضلع کلکٹر اور محکمہ صحت کے عہدیداروں کو ان واقعات کی تحقیقات کرنے کی ہدایت دی۔

انہوں نے حاملہ خواتین کو جسمانی کسرت کرانے کے لئے ایک نرس مقرر کرنے یا پھر ہر وارڈ میں کسرت کے متعلق معلومات بتانے کیلئے ٹی وی اسکرین لگانے کا مشورہ دیا۔ دواخانہ میں صاف صفائی کے انتظامات کو مزید بہتر بنانے کی ہدایت دی۔