کرناٹک

بنگلورو میں ملک کے پہلے 3D پرنٹیڈ پوسٹ آفس کا افتتاح

کمپیوٹرائزڈ 3D ماڈل ڈرا کرتے ہوئے تہہ در تہہ کانکریٹ بچھائی گئی۔ مرکزی وزیر نے اپنی افتتاحی تقریر میں کہا کہ تھری ڈی پرنٹیڈ پوسٹ آفس کا افتتاح بتاتا ہے کہ آج ملک کس جذبہ سے ترقی کررہا ہے۔

بنگلورو: مرکزی وزیر ریلویز‘ کمیونیکیشنس‘ الکٹرانکس اینڈ انفارمیشن ٹکنالوجی اشوینی ویشنو کے ہاتھوں بنگلورو میں ملک کے پہلے 3D پرنٹیڈ پوسٹ آفس کا افتتاح عمل میں آیا۔ اسے روبوٹک پرنٹر کی مدد سے تعمیر کیا گیا۔

متعلقہ خبریں
ماں کو موت کے گھاٹ اتار کر 17سالہ لڑکے کی پولیس کو خودسپردگی
تلنگانہ میں 850 کروڑ مالیتی روڈ پروجیکٹس منظور:گڈکری
انڈیا بلاک کا شیرازہ بکھرنے کے قریب: کشن ریڈی
چیف منسٹر کرناٹک سدارامیا کا متنازعہ تبصرہ
پارلیمنٹ کا سرمائی اجلاس: حکومت، تمام مسائل پر بحث کے لئے تیار: پرہلاد جوشی

 کمپیوٹرائزڈ 3D ماڈل ڈرا کرتے ہوئے تہہ در تہہ کانکریٹ بچھائی گئی۔ مرکزی وزیر نے اپنی افتتاحی تقریر میں کہا کہ تھری ڈی پرنٹیڈ پوسٹ آفس کا افتتاح بتاتا ہے کہ آج ملک کس جذبہ سے ترقی کررہا ہے۔ کسی نے کبھی سوچا نہ تھا کہ ہندوستان اپنی 4G  اور 5G ٹکنالوجی ڈیولپ کرے گا۔

 کبھی کسی نے سوچا نہ تھا کہ ہندوستان نے عالمی معیار کی ٹرین ڈیزائن اور تیار کرپائے گا۔ مرکزی وزیر نے بنگلورو شہر کی تعرف کرتے ہوئے کہا کہ انہیں یہاں آنا اچھا لگتا ہے کیونکہ اس شہر میں انرجی بہت ہے اور اس کا کردار دوراندیش ہے۔

 یہ شہر ہندوستان کی نئی تصویر پیش کرتا ہے۔ لارسن اینڈ ٹوبرو کنسٹرکشن نے 1021  مربع فٹ رقبہ میں 3D کانکریٹ پرنٹنگ ٹکنالوجی استعمال کرتے ہوئے اسے بنایا۔ آئی آئی ٹی مدراس نے فنی رہنمائی کی۔

 یہ ڈاک خانہ‘ ہلسور کے کیمبرج لے آؤٹ میں واقع ہے۔ پراجکٹ 45 دن میں مکمل ہوا جبکہ روایتی طریقہ سے بنایا جاتا تو اس میں 6 تا 8 ماہ لگتے۔ عہدیداروں کا کہنا ہے کہ اس پر لاگت کم آتی ہے۔