حسین ساگر میں وسرجن نہ کرنے ہائیکورٹ کی ہدایت پر گنیش منڈلی کے ذمہ داروں کا دھرنا

حیدرآباد: تلنگانہ حکومت کے خلاف حسین ساگر کٹہ (ٹینک بنڈ) پر دھرنا دیا گیا۔ ذرائع کے بموجب آج ہائیکورٹ نے حسین ساگر میں پی او پی اور سیمنٹ سے تیار کردہ مورتیوں کا وسرجن نہ کرنے کی ہدایت دی۔

جس پر حکومت نے عمل کرتے ہوئے مورتیوں کا وسرجن روک دیا۔

جس پر گنیش منڈلی کے ذمہ داران نے آج حسین ساگر کٹہ (ٹینک بنڈ) پر دھرنا دیا اور کہا کہ 70 سال سے حسین ساگر میں وسرجن کیا جارہا ہے۔

مذہبی معاملے میں حکومت مداخلت کیوں کررہی ہے۔ حسین ساگر میں ہی مورتیوں کا وسرجن کیا جائے گا۔

اس دھرنا کی وجہ سے حسین ساگر کے چاروں طرف ٹرافک جام ہوگئی تھی۔