امریکہ و کینیڈا

غزہ میں یرغمالیوں کی رہائی کا معاہدہ قریب :بائیڈن

دی واشنگٹن پوسٹ سے گفتگو کے دوران اپنا نام نہ بتانے والے اسرائیلی عہدےدار کا کہنا تھا کہ اسرائیل اور حماس کے درمیان اسیروں کے تبادلے پر اتفاق ہو چکا ہے لہذا جلد ہی اسرائیلی اور فلسطینی بچے اور خواتین کی رہائی عمل میں آ سکتی ہے۔

واشنگٹن: امریکی صدر جوبائیڈن نے کہا ہے کہ غزہ میں یرغمالیوں کی رہائی کا معاہدہ قریب ہے اور مجھے اس کا یقین ہے۔البتہ اس حوالے سے انہوں نے زیادہ تفصیل نہیں بتائی۔

متعلقہ خبریں
محمد عامر کا معروف انگلش کاؤنٹی کلب سے معاہدہ
اسرائیلی حملہ میں لبنان میں 20 اور شمالی غزہ میں 17 جاں بحق
رفح پر حملہ ٹالنے 33یرغمالی رہا کرنا ہوگا: اسرائیل
پارٹی رہنماؤں کی بڑھتی مخالفت: جو بائیڈن کی بطور دوبارہ صدارتی امیدوار نامزدگی ملتوی
شاہ رخ خان کی فلم جوان ستمبر میں ریلیز ہوگی

امریکی میڈیا کا کہنا ہے کہ عنقریب حماس اور اسرائیل کے درمیان فلسطینی خواتین اور بچوں کے بدلے اسرائیلی خواتین اور بچوں کو رہا کیا جا سکتا ہے۔ دی واشنگٹن پوسٹ سے گفتگو کے دوران اپنا نام نہ بتانے والے اسرائیلی عہدےدار کا کہنا تھا کہ اسرائیل اور حماس کے درمیان اسیروں کے تبادلے پر اتفاق ہو چکا ہے لہذا جلد ہی اسرائیلی اور فلسطینی بچے اور خواتین کی رہائی عمل میں آ سکتی ہے۔

ترجمان وائٹ ہاؤس نے کہا کہ اسرائیل اور حماس کے درمیان مذاکرات آخری مرحلے میں ہیں اور ہم معاہدے کے لیے پر امید ہیں البتہ، وائٹ ہاؤس کے ترجمان جان کربی نے اس حوالے سے مزید تفصیلات بتانے سے انکار کردیا۔ واضح رہے کہ قطری حکام بھی اسرائیل اور حماس کے درمیان تین روزہ جنگ بندی کے بدلے 50 یرغمالیوں کی بازیابی کے معاہدے کی کوششیں کررہے ہیں ۔