آندھراپردیش میں 5 دسمبر تک شدید بارش کی پیش قیاسی

امراوتی: محکمہ موسمیات نے خلیج بنگال میں ہوا کے کم دباؤ کے پیش نظر 5دسمبر تک آندھرا پردیش کے علاقوں میں گرج چمک کے ساتھ شدید بارش کی پیش قیاسی کی ہے۔ محکمہ موسمیات نے چہارشنبہ کے روز جاری کردہ اپنے صحافتی اعلامیہ میں بتایا کہ کم ہوا کا دباؤ مزید شدت اختیار کرجائے گا اور یہ طوفان میں تبدیل ہوگا۔

 جمعرات کے روز اے پی کے جنوبی ساحل اور جمعہ کے روز رائلسیما کے مقامات پر گرج چمک کے ساتھ بارش کا امکان ہے۔ محکمہ موسمیات نے پیش قیاسی کی کہ اتوار کے روز جنوبی ساحل اے پی اور رائلسیما کے مقامات پر شدید بارش ہوگی۔

 جبکہ شمال ساحلی اے پی، یانم اور رائلسیما کے کئی مقامات پر گرج چمک کے ساتھ بارش کا امکان ہے۔ 4 دسمبر کو جنوبی ساحل اے پی اور رائلسیما میں انتہائی شدید اور ریاست کے چند مقامات پر بہت شدید بارش کی پیش قیاسی کی گئی ہے۔