حیدرآباد میں موسلادھار بارش، عوام کو گرمی سے ملی راحت

حیدرآباد: حیدرآباد میں موسلادھار بارش سے موسم خوشگوار ہوگیا اور عوام کو شدید گرمی سے راحت ملی۔ محکمہ موسمیات نے عوام کو احتیاط برتنے کا مشورہ دیا ہے۔ جنوب مغربی مانسون تلگو ریاستوں میں داخل ہوگیا ہے۔ مانسون کے اثر سے تلنگانہ اور آندھراپردیش میں بارش ہورہی ہے۔ محکمہ موسمیات نے پیش قیاسی کی ہے کہ تلنگانہ میں آج اور کل ہلکی سے درمیانی بارش ہونے کا امکان ہے۔

تلنگانہ کے اضلاع وقار آباد، محبوب نگر، ونپرتی، نارائن پیٹ میں موسلاد ھار بارش کا امکان ہے۔ نرمل، نظام آباد، نلگنڈہ، یادادری، سوریا پیٹ، بھونگیر، حیدرآباد، میڑچل، ملکاجگیری، رنگاریڈی ،وقارآباد،سنگاریڈی، میدک، کاماریڈی، محبوب نگر، کرنول اور دیگر اضلاع میں گرج وچمک کے ساتھ تیز ہوائیں چلنے کا بھی امکان ہے۔

دوسری جانب آندھراپردیش میں بھی بارش ہونے کا امکان ہے۔ محکمہ موسمیات نے کہا ہے کہ کہیں کہیں تیز بارش ہونے کا امکان ہے۔