حیدرآباد اور اس کے مضافاتی اضلاع میں موسلا دھار بارش

حیدرآباد: تلنگانہ کے دارالحکومت حیدرآباد اور اس کے مضافاتی اضلاع میں گزشتہ 24 گھنٹوں سے موسلا دھار بارش ہوئی۔

سب سے زیادہ بارش کا اثر میڑچل – ملکاجگری ضلع میں دیکھا گیا جہاں بدھ صبح 8:30 بجے سے جمعرات صبح 8:30 بجے تک مسلسل بارش ریکارڈ کی گئی، بارش جمعرات کی ابتدائی ساعتوں میں تھمی۔

محکمہ موسمیات کے اعداد و شمار کے مطابق سب سے زیادہ بارش ای ایس ایس ایچ ایم ٹی ہل، حیدرنگر میں 44.5 ملی میٹر ریکارڈ کی گئی۔

راجیو گروہا کلپا، گاجولارامم میں 36.5 ملی میٹر، قطب اللہ پور میں 36.3 ملی میٹر، جے پی این نگر کمیونٹی ہال، میاپور، سیری لنگم پلی (رنگاریڈی ضلع) میں 36 ملی میٹر اور پٹن چیرو (سنگاریڈی ضلع) میں 34.5 ملی میٹر بارش ریکارڈ کی گئی۔