الیکٹرانک چپ بنانے والی کمپنی میں ہولناک آگ، ریسکیو کے دوران دیوار اور بیم گرنے سے دو فائر اہلکاروں کی موت

گریٹر نوئیڈا: اتر پردیش میں گریٹر نوئیڈا کے ایکوٹیک-تھری تھانہ علاقے میں واقع الیکٹرانک چپ مینوفیکچرنگ آئی ایل جی آئی ایم کمپنی میں پیر کی دیر رات ہولناک آگ لگ گئی۔ آگ کی اطلاع ملتے ہی مقامی پولیس اور فائر بریگیڈ کی متعدد گاڑیاں موقع پر پہنچ گئیں اور سخت مشقت کے بعد آگ پر قابو پا لیا گیا۔

تاہم، راحت اور بچاؤ کی کارروائی کے دوران ایک دردناک حادثہ پیش آ گیا، جس میں دو فائر اہلکاروں کی جان چلی گئی، جبکہ تین دیگر شدید طور پر زخمی ہو گئے۔

پولیس نے منگل کو اطلاع دیتے ہوئے بتایا کہ 3 اور 4 اگست کی درمیانی شب ایکوٹیک- پولیس اور فائر ڈپارٹمنٹ کو تھری تھانہ علاقے میں واقع آئی ایل جی آئی ایم کمپنی میں آگ لگنے کی اطلاع ملی۔ اطلاع ملتے ہی پولیس اور فائر سروس کی ٹیمیں فوری طور پر موقع پر پہنچیں اور آگ بجھانے کی مہم میں جٹ گئیں۔

اسی دوران کمپنی کے احاطے کی ایک سائیڈ کی دیوار اور لوہے کا بھاری بیم اچانک کر گر گیا۔ اس کی زد میں آ کر فائر سروس کے چیف کانسٹیبل ڈرائیور راجپال سنگھ، چیف کانسٹیبل ڈرائیور تیرتھ پال سنگھ، فائر مین منیش کمار، امِت کمار اور روہت یادو شدید طور پر زخمی ہو گئے۔

تمام زخمیوں کو فوری طور پر ایمبولینس کے ذریعے اسپتال پہنچایا گیا، جہاں ڈاکٹروں نے فائر مین روہت یادو اور چیف کانسٹیبل ڈرائیور تیرتھ پال سنگھ کو مردہ قرار دے دیا۔ وہیں زخمی راجپال سنگھ، منیش کمار اور امِت کمار کا علاج جاری ہے۔ ڈاکٹروں نے بتایا کہ تینوں کی حالت فی الحال خطرے سے باہر ہے۔

حادثے کے بعد پولیس کے سینئر افسران، فائر ڈپارٹمنٹ کے افسران اور ایس ڈی آر ایف کی ٹیم موقع پر پہنچ گئی۔ جائے وقوعہ کا معائنہ کیا جا رہا ہے اور آگ لگنے کی وجوہات کی جانچ شروع کر دی گئی ہے۔ پولیس نے بتایا کہ معاملے میں دیگر ضروری قانونی کارروائی کی جا رہی ہے۔

اس حادثے نے فائر سروس ڈپارٹمنٹ اور مقامی انتظامیہ کو گہرا صدمہ پہنچایا ہے۔ آگ بجھانے کے دوران اپنا فرض ادا کرتے ہوئے دو فائر اہلکاروں نے اپنی جان قربان کردی، جبکہ تین دیگر زخمی ہو گئے۔ پورے علاقے میں اس واقعے پر غم کا ماحول ہے۔