دیوریا میں بھیانک سڑک حادثہ، چار نوجوانوں کی موت

دیوریا: اتر پردیش میں ضلع دیوریا کے مہواڈیہ علاقے میں ٹرک کی زد میں آکر بائک پر سوار چار نوجوانوں کی موت ہو گئی۔

ایڈیشنل سپرنٹنڈنٹ آف پولیس دیپیندر ناتھ چودھری نے منگل کے روز بتایا کہ موٹر سائیکل سوار پنٹو گوڑ (22) ، نتیش سنگھ (23) ، اتل سنگھ (24) اور انکت گوڑ (24) کی کل رات ہیتم پور ہائی وے پر ٹرک کی زد میں آکر موت ہوگئی۔

یہ چاروں نوجوان ایک ہی بائک پر سوار تھے اور ان کی بائک کھڑے ٹرک کے پچھلے حصے سے ٹکرا گئی۔

حادثے میں چاروں نوجوان شدید زخمی ہوئے جنہیں فوری طور پر قریبی اسپتال میں داخل کرایا گیا، جہاں ڈاکٹروں نے انہیں مردہ قرار دے دیا۔ مہلوکین میں تین کشی نگر اور ایک ضلع دیوریا کے باشندے ہیں۔