ملک میں پہلی بار لیتھیم کے بھاری ذخائر دریافت

نئی دہلی: ملک میں پہلی بار لیتھیم کے بھاری ذخائر دریافت ہوئے ہیں۔ یہ بات مرکزی حکومت نے جمعرات کو پارلیمنٹ میں بتائی۔

وزارت کانکنی نے بتایا کہ جموں و کشمیر میں ملک میں پہلی بار 5.9 ملین ٹن لیتھیم کے ذخائر پائے گئے ہیں۔

لیتھیم ایک الوہ دھات ہے اور ای وی بیٹریوں کی تیاری میں اہم عنصر مانی جاتی ہے جس کے بغیر نہ صرف الیکٹرک گاڑیوں کی بیٹریاں بلکہ موبائل فونس اور لیاپ ٹاپ وغیرہ میں استعمال کی جانے والی بیٹریوں کی تیاری بھی ناممکن ہے۔

بتایا گیا کہ جیولوجیکل سروے آف انڈیا نے پہلی بار جموں و کشمیر کے ریاسی ضلع کے سلال-ہیمانا علاقے میں 5.9 ملین ٹن کے لیتھیم انفریڈ ریسورسز کا پتہ چلایا ہے اور لیتھیم نکالنے کے لئے کام شروع کردیاگیا ہے۔

وزارت کانکنی نے مزید بتایا کہ مختلف ریاستوں میں 51 معدنی بلاکس بھی متعلقہ ریاستی حکومتوں کے حوالے کئے گئے ہیں۔ ان میں 5 بلاک سونے سے متعلق ہیں اور دیگر بلاکس جموں و کشمیر، آندھرا پردیش، چھتیس گڑھ، گجرات، جھارکھنڈ، کرناٹک، مدھیہ پردیش، اوڈیشہ، راجستھان، تمل ناڈو، اور تلنگانہ میں پھیلے ہوئے ہیں جہاں پوٹاش، مولبڈینم، بیس میٹل وغیرہ دریافت ہوئے ہیں۔