حیدرآباد:بارش کے دوران دیوار کے پتھر گر نے سے 8سالہ لڑکی کی موت

حیدرآباد: شدیدبارش کے دوران دیوار کے پتھر گرپڑنے کے نتیجہ میں ایک 8سالہ لڑکی کی موت ہوگئی۔

یہ واقعہ شہر حیدرآباد کے جوبلی ہلز علاقہ میں کل شب پیش آیا۔

پولیس کے مطابق اس لڑکی جس کی شناخت جیونیکا کے طورپر کی گئی ہے، اپنے والدین کے ساتھ جوبلی ہلز علاقہ کے اوم نگر میں مقیم تھی۔

منگل کی شب یہ لڑکی اپنے مکان میں سورہی تھی کہ متصل عمارت کی ریلنگ سے پتھر ان کے مکان کی چھت پر گرپڑے جس کے نتیجہ میں اسبسطاس شیٹ ٹوٹ گئی اور یہ پتھر لڑکی پر گرپڑے اور اس کی موت ہوگئی۔

اطلاع ملتے ہی پولیس وہاں پہنچی جس نے لاش کو پوسٹ مارٹم کے لئے گاندھی اسپتال کے مردہ خانہ میں محفوظ کردیا۔