حیدرآباد: نالہ میں پڑے تھیلے میں ایک شخص کی لاش پائی گئی

حیدرآباد: شہرحیدرآباد کے میلاردیوپلی میلاردیو پلی میں نالہ میں پڑے تھیلے میں ایک شخص کی لاش پائی گئی جس سے خوف و ہراس پھیل گیا۔یہ واقعہ منگل کی صبح پیش آیا۔

تفصیلات کے مطابق لاش کو صفائی ورکرس نے سب سے پہلے دیکھا جو سڑک کی صفائی کر رہے تھے۔

جھاڑو دینے والوں نے ٹریفک جنکشن پر موجود ٹریفک پولیس کو اطلاع دی جس نے لااینڈآرڈرپولیس کو اس بات سے واقف کروایا۔

میلاردیو پلی پولیس نے موقع پر پہنچ کر لاش کو تھیلے سے نکالنے کے بعد اس کوپوسٹ مارٹم کے لئے بھیج دیا۔

پولیس مقتول شخص کی شناخت کی کوشش کررہی ہے۔

پولیس کو شبہ ہے کہ حملہ آوروں نے اس شخص کو کہیں اور قتل کیا اور لاش میلار دیو پلی روڈ پر پھینک دی۔ سراغ رساں ٹیم موقع پر پہنچ گئی۔