حیدرآباد: بے قابو منی وین،5کاروں سے ٹکراگئی۔بعض افرادزخمی

حیدرآباد: شہرحیدرآبادکے راجندرنگر علاقہ کی پی وی این آروے پر منی وین بے قابوہوگئی۔ ذرائع کے مطابق یہ وین پلر نمبر148کے قریب الٹ گئی کیونکہ ڈرائیورنے اس کا توازن کھودیا۔

قبل ازیں اس وین کے بے قابو ہونے کے نتیجہ میں یہ گاڑی سڑک پر جانے والی دیگر 5کاروں سے ٹکراگئی۔

اس حادثہ میں بعض افراد معمولی زخمی ہوگئے اورایکسپریس وے پر بڑے پیمانہ پر ٹریفک جام کی صورتحال پیداہوگئی۔اس موقع پرکار کے ایک مالک نے کار سے اتر کر ٹریفک کو بحال کرنے کا کام کیا۔

اسی دوران دوسری کار نے اس کی کار کوٹکردے دی۔اس حادثہ کی اطلاع کے ساتھ ہی پولیس وہاں پہنچی جس نے ٹریفک کو قابو میں کرنے کے اقدامات کئے۔