حیدرآباد:موبائل فون ہیک کرنے والے ایودھیا کی تصاویر والے لنکس کھولنے کے خلاف سائبرکرائم پولیس کا انتباہ

حیدرآباد: تلنگانہ کی سائبر کرائم پولیس نے آن لائن گشت کرنے والے بدنیتی پر مبنی لنکس کے ممکنہ خطرے کے بارے میں شہریوں کو انتباہ جاری کیا ہے۔

ان لنکس میں دعوی کیاجارہا ہے کہ اس میں ‘ایودھیا کی لائیو تصاویر’ شامل ہیں۔

ایکس (سابقہ ٹویٹر) پراس سلسلہ میں سائبر کرائم پولیس نے ایک اڈوائزری پوسٹ کی جس میں کہا گیا، ”22 جنوری 2024 اور اس کے بعد، کئی موبائل ڈیوائسس پر ایک لنک میسج موصول ہونے کا امکان ہے جو ‘ایودھیا کی لائیو تصاویر’ یا اسی طرح کے مواد پر مشتمل ہے۔

عوام یہ اس طرح کے لنکس کو نہ کھولیں، کیونکہ ایسا کرنے سے موبائل فون ہیک ہو سکتا ہے، اور بینک اکاؤنٹس کو لوٹا جا سکتا ہے۔ بزرگ شہری اس طرح کے سائبر خطرات کا زیادہ شکار ہو سکتے ہیں۔