حیدرآباد ترقی کے معاملہ میں امریکہ سے مقابلہ کررہا ہے: وزیر دیاکرراؤ

حیدرآباد: تلنگانہ کے وزیر دیہی ترقی دیاکرراو نے کہا ہے کہ حیدرآباد ترقی کے معاملہ میں امریکہ سے مقابلہ کر رہا ہے۔ انہوں نے کہا کہ تلنگانہ کی تشکیل کے بعد حالات تبدیل ہوئے ہیں۔ا س ترقی کا سہرا وزیراعلی کے چندرشیکھرراو کے سرجاتا ہے۔

انہوں نے اس یقین کااظہارکیاکہ تلنگانہ میں بی آرایس کی ہیٹ ٹرک یقینی ہے۔وزیرموصوف نے امریکہ کے فلاڈلفیا شہر میں تلگوایسوسی ایشن آف نارتھ امریکہ(تانا)کے اجلاس سے خطاب کرتے ہوئے کہاکہ وزیراعلی کے چندرشیکھرراو کی قیادت میں تلنگانہ تمام شعبوں میں تیزی سے پیشرفت کررہا ہے۔

 انہوں نے کہا کہ ابھی بہت ترقی کرنا باقی ہے اور اس کے لئے این آر آئیز کے تعاون کی بھی ضرورت ہے۔ انہوں نے کہا کہ تلگو عوام جہاں بھی ہیں اپنے کام سے خطے، وطن، ریاست اور آبائی شہر کی ترقی کے محرک بن رہے ہیں۔