کمشنر پولیس حیدرآباد سی وی آنند نے ’’ جن بھاگیداری’’ رن کو جھنڈی دکھائی

حیدرآباد: کمشنرپولیس حیدرآباد سی وی آنند نے شہر کے پیپلز پلازہ نیکلس روڈ پر آربی آئی کی جانب سے منعقدہ ”جن بھاگیداری“ رن کو جھنڈی دکھائی۔یکم دسمبر2022سے نومبر2023تک ہونے والے جی 20اجلاس کے پس منظر میں اس رن کا اہتمام کیاگیا۔

رن کا مقصد عوام میں مالیاتی بیداری پیداکرنا اور محفوٖظ بینکنگ معاملات کی فراہمی ہے۔کمشنر پولیس نے اس یقین کااظہار کیا کہ مالیاتی بیداری اور فروغ کے ذریعہ شہریوں کو دھوکہ دہی سے محفوظ رکھاجاسکتا ہے۔