حیدرآباد: محبت پر سرزنش ۔بیٹی نے عاشق کے ساتھ مل کرماں کا قتل کردیا
حالیہ دنوں حیدرآباد میں ایک اور افسوسناک واقعہ پیش آیا جہاں 16 سالہ لڑکی نے اپنے عاشق کے ساتھ مل کر اپنی ہی ماں کا قتل کر دیا۔ یہ سنسنی خیز واردات جیڈی مٹلہ علاقہ میں پیش آئی۔
حیدرآباد: انسانی قدریں مٹتی جا رہی ہیں، محبت کے نام پر اپنوں کا ہی خون کیا جا رہا ہے.ناسمجھ عمروں میں محبت کے جال میں پھنس کر نوجوان سنگین جرائم کی طرف بڑھ رہے ہیں۔
حالیہ دنوں حیدرآباد میں ایک اور افسوسناک واقعہ پیش آیا جہاں 16 سالہ لڑکی نے اپنے عاشق کے ساتھ مل کر اپنی ہی ماں کا قتل کر دیا۔ یہ سنسنی خیز واردات جیڈی مٹلہ علاقہ میں پیش آئی۔
جیڈی مٹلہ کے ایس ایل بی نگر سے تعلق رکھنے والی 16 سالہ لڑکی دسویں جماعت کی طالبہ ہے۔ اس کا 19 سالہ نوجوان شیوا سے تعارف ہوا جو رفتہ رفتہ محبت میں بدل گیا۔
جب یہ بات ماں کو معلوم ہوئی تو اس نے بیٹی کو ڈانٹتے ہوئے سدھرنے کا مشورہ دیا۔ ماں کی سرزنش پر ناراض ہوکر لڑکی نے اپنے عاشق شیوا اور اس کے بھائی یشونت کے ساتھ مل کر ماں کو قتل کرنے کا منصوبہ بنایا۔
تینوں نے مل کر قتل کی واردات انجام دی۔ پولیس نے مقدمہ درج کر کے تحقیقات شروع کر دی ہیں۔
