حیدرآباد: الانصار فاؤنڈیشن کے زیر اہتمام ہفتہ واری درس قرآن

حیدرآباد: الانصار فاؤنڈیشن حیدرآباد کی جانب سے جامع مسجد محبوبیہ، ریاست نگر مارکٹ میں ہفتہ واری سلسلہ وار درس قرآن کی 126 ویں نشست اتوار، 13 اکتوبر 2024ء کو بعد نماز مغرب منعقد ہوگی۔

مفسر قرآن، حضرت علامہ مفتی حافظ محمد وجیہ اللہ سبحانی نظامی نقشبندی قادری چشتی، امام مسجد محبوبیہ و خطیب رضیہ مسجد ملک پیٹ اس درس میں شامل ہوں گے۔

مولانا قاضی ابواللیث شاہ محمد غضنفر علی قریشی اسد ثنائی، صدر نشین الانصار فاؤنڈیشن و خطیب جامع مسجد محبوبیہ اس پروگرام کی نگرانی کریں گے۔ قاری محمد تراب علی قریشی کی قرأت و نعت سے درس کا آغاز ہوگا۔

فاؤنڈیشن کے عہدہ داران اور جامع مسجد محبوبیہ کے ذمہ داران نے عوام الناس سے درخواست کی ہے کہ وہ بڑی تعداد میں شرکت کریں اور اس علمی و روحانی محفل سے استفادہ حاصل کریں۔