کسانوں کے بینک کھاتوں میں اندورن 2 دن رقم جمع کروائی جائے گی: ہریش راؤ

حیدرآباد: تلنگانہ کے وزیر فائنانس ہریش راؤ نے کہا ہے کہ کسانوں کے بینک کھاتوں میں اناج فروخت کرنے کے بعدرقم دو دن کے اندر جمع کر دی جائے گی۔ وزیرموصوف نے یاد دلایا کہ مرکزی حکومت نے اناج خریدنے اور تیل خریدنے کا مضحکہ اڑایا ہے۔

ہریش راؤ نے واضح کیا کہ کسانوں کی فلاح و بہبود بنیادی مقصد ہے،اسی لئے وزیراعلی نے آگے آتے ہوئے کسانوں کی پیداوار کی خریداری کو یقینی بنایا ہے۔ انہوں نے سدی پیٹ اربن منڈل کے ویلکاٹور میں ضلع کے پہلے اناج خریداری مرکز کا افتتاح کیا۔

 اس موقع پر انہوں نے عہدیداروں کو ہدایت دی کہ وہ کسانوں کے اناج کی خریداری کریں اور اس بات کو یقینی بنائیں کہ کسانوں کو کوئی پریشانی نہ ہونے پائے۔ انہوں نے اناج کی خریداری مکمل کرنے کے دو دن کے اندر کسانوں کے بینک کھاتوں میں رقم جمع کرانے کی یقین دہانی بھی کروائی۔