میں جب تک زندہ ہوں کسانوں، فوجیوں اور کھلاڑیوں کیلئے لڑتی رہوں گی: ونیش پھوگاٹ

چنڈی گڑھ: پہلوان اور ہریانہ کے جولانہ سے کانگریس ایم ایل اے ونیش پھوگاٹ نے منگل کو کہا کہ جب تک وہ زندہ ہیں وہ کسانوں، فوجیوں اور کھلاڑیوں کے لیے لڑتی رہیں گی۔

یہاں میڈیا سے بات کرتے ہوئے ونیش نے کہا کہ جب وہ سیاست میں نہیں تھیں تب بھی انہوں نے کسانوں کے لیے آواز اٹھائی تھی۔ انہوں نے کہا کہ کسان، فوجی اور کھلاڑی ملک کی بنیاد ہیں اور وہ ہمیشہ ان کے لیے لڑیں گی۔

سیاست میں آنے اور ایم ایل اے بننے کے بعد جو ذمہ داری ان پر آئی اس سوال کے جواب میں انہوں نے کہا کہ یہ ذمہ داری ان پر تھی جب وہ ملک کے لیے کھیلتی تھیں۔

 اب ایم ایل اے بننے کے بعد نہ صرف حلقے کے لوگ پر امید ہیں بلکہ ملک کی نظریں ان پر لگی ہوئی ہیں۔ انہوں نے کہا کہ میں یقین دلانا چاہتی ہوں کہ ہم نے جو لڑائی لڑی وہ ہر اس بہن اور بیٹی کی لڑائی ہے جو لڑنا جانتی ہے، ہم ان لوگوں کی لڑائی لڑنے کے لیے کام کریں گے جو لڑنا چاہتے ہیں۔

ساکشی ملک کے اس بیان پر کہ لڑائی کمزور ہو گئی ہے، ونیش نے کہا کہ لڑائی کمزور نہیں ہوئی، جب تک وہ کمزور نہیں ہوتی لڑائی کمزور نہیں ہو سکتی۔ انہوں نے کہا کہ جب تک ساکشی، بجرنگ اور ونیش زندہ ہیں لڑائی کمزور نہیں ہو سکتی۔

انہوں نے یہ بھی کہا کہ کسی کو کبھی ہمت نہیں ہارنی چاہیے اور میدان میں ڈٹ کر مقابلہ کرنا چاہیے، جس کے لیے وہ تیار ہیں۔