پارٹی کی ہدایت پر لوک سبھاانتخابات میں حصہ لوں گا:ای راجندر

حیدرآباد: تلنگانہ بی جے پی کے سابق رکن اسمبلی ای راجندر نے آئندہ پارلیمانی انتخابات میں مقابلہ کے سلسلہ میں اہم بیان دیتے ہوئے کہا ہے کہ اگران کی پارٹی ہدایت دیتی ہے تو وہ لوک سبھا کے انتخابات میں حصہ لیں گے۔

انہوں نے بدھ کو ہنمکنڈہ ضلع کے کملا پور کا دورہ کیا جہاں میڈیا سے بات کرتے ہوئے انہوں نے بتایا کہ اگر پارٹی ہدایت دیتی ہے تو ہ لوک سبھا انتخابات میں حصہ لیں گے۔

انہوں نے کہا کہ اس سلسلہ میں پارٹی حتمی فیصلہ کرے گی۔انہوں نے الزام لگایا کہ سابق وزیراعلی کے چندرشیکھرراو نے ان سے بدلہ لیا۔

انہیں بطور قانون ساز اپنی ذمہ داریاں نبھانے سے روکا گیا۔ انہوں نے کہا کہ بی آر ایس نے حضور آباد میں ڈرامے کرکے کامیابی حاصل کی۔