ایران میں موجود ہندوستانی شہریوں کے لیے اہم ایڈوائزری، فوری انخلا کا مشورہ

ہندوستانی حکومت نے ایران میں مقیم اپنے شہریوں کو موجودہ صورتحال کے پیش نظر فوری طور پر ملک چھوڑنے کا مشورہ دیا ہے۔ یہ ہدایت تہران میں قائم ہندوستانی سفارت خانے کی جانب سے جاری کردہ تازہ ایڈوائزری میں دی گئی ہے، جسے حالیہ پیش رفت کے بعد دوبارہ جاری کیا گیا۔

سفارت خانے نے اپنی ایڈوائزری میں واضح کیا ہے کہ ایران میں موجود تمام ہندوستانی شہری سفارت خانے کے ساتھ قریبی رابطہ قائم کریں اور صرف انہی راستوں کا استعمال کریں جو سفارت خانہ تجویز کرے، تاکہ محفوظ طریقے سے ملک سے باہر نکلا جا سکے۔

ایڈوائزری میں سختی سے ہدایت دی گئی ہے کہ کوئی بھی شہری بغیر پیشگی مشورے اور ہم آہنگی کے کسی بین الاقوامی سرحد کو عبور کرنے کی کوشش نہ کرے۔ سفارت خانے نے اس بات کو خاص طور پر دہرایا ہے کہ غیر منظم یا خود سے کیے گئے سفر خطرناک ثابت ہو سکتے ہیں۔

ہنگامی صورتحال کے پیش نظر سفارت خانے نے کئی رابطہ نمبرز بھی جاری کیے ہیں، جن کے ذریعے شہری فوری مدد حاصل کر سکتے ہیں:

• 989128109115
• 989128109102
• 989128109109
• 989932179359

اس کے علاوہ ای میل کے ذریعے بھی رابطہ کیا جا سکتا ہے: [email protected]

واضح رہے کہ حال ہی میں امریکہ اور ایران کے درمیان دو ہفتوں کی جنگ بندی پر اتفاق ہوا ہے، تاہم خطے کی مجموعی صورتحال کے پیش نظر احتیاطی تدابیر اختیار کی جا رہی ہیں، جس کے تحت یہ ایڈوائزری جاری کی گئی ہے۔