بیوی کے کروا چوتھ کا برت نہ رکھنے پر ناراض شوہر نے کی یہ حرکت

اترپردیش: اتر پردیش میں بیوی کے کروا چوتھ کا برت نہ رکھنے پر ناراض شوہر نے خود کو گولی مار کر خودکشی کر لی۔

رپورٹس کے مطابق خودکشی کرنے والے شخص کی شناخت پولیس کانسٹیبل اجیت کے نام سے ہوئی جس کا کروا چوتھ کا برت نہ رکھنے پر بیوی سے جھگڑا ہوا۔ اس نے اے کے 47 سے خود کو گولی مارلی۔

پولیس نے بتایا کہ ابتدائی تحقیقات کے مطابق کانسٹیبل اجیت نے فون پر بیوی سے بات کی، بیوی نے اسے بتایا میں نے کروا چوتھ کا برت نہیں رکھا، اجیت یہ سنتے ہی گھر پہنچ کر بیوی سے لڑائی کی۔

کانسٹیبل نے جب گولی چلائی تو پڑوسی آواز سن کر خوفزدہ ہوگئے اور فوراً اجیت کے گھر پہنچے۔ اسے فوری طور پر اسپتال منتقل کیا گیا لیکن تب تک وہ ہلاک ہو چکا تھا۔