پڑوسی نے مرغیوں کو ہلاک کردیا، خاتون کی پولیس میں شکایت

حیدرآباد: ایک انوکھے واقعہ میں ایک خاتون نے پڑوسی خاتون کی جانب سے اس کی مرغیوں کو ہلاک کرنے کی پولیس سے شکایت کی۔ یہ واقعہ تلنگانہ کے ضلع محبوب آباد کے گونڈالکشمی تانڈہ میں پیش آیا۔

پولیس سے کی گئی شکایت میں اس خاتون نے کہا کہ وہ روٹی روزی کیلئے مرغیوں کو پالتی ہے تاہم اس کی پڑوس میں رہنے والی خاتون کی بہو نے اس کی مرغیوں کو ہلاک کردیا۔وہ ہلاک مرغیوں کے ساتھ پولیس اسٹیشن پہنچی اور پولیس سے شکایت کی اورکہاکہ خاتون کی بہو قبل ازیں ا س کی بطخوں کو بھی مارچکی ہے۔

اس نے کہاکہ پڑوس میں رہنے والی خاتون کی بہو اس کو بھی ہلاک کرسکتی ہے۔اس نے کہاکہ اس معاملہ کو گرام پنچایت کے علم میں بھی لایاگیا تاہم گرام پنچایت نے اس شکایت کو نظرانداز کردیا جس کے بعد وہ انصاف کیلئے پولیس سے رجوع ہوئی۔