ایران عالمِ اسلام کی پہلی دفاعی لائن ہے صیہونی صرف طاقت کی زبان سمجھتے ہیں

غزہ سٹی : حماس کے عسکری ونگ، القسام بریگیڈ کے ترجمان نے ایران کے خلاف جاری حالیہ جارحیت کے تناظر میں ایک خصوصی بیان جاری کیا ہے۔ ترجمان نے ایران کو تمام اسلامی ممالک کے لیے ’اولین لائن آف ڈیفنس‘ (دفاع کی پہلی لکیر) قرار دیتے ہوئے کہا ہے کہ کوئی بھی طاقت آزاد ایرانی قوم کا عزم نہیں توڑ سکتی۔

القسام بریگیڈ کے ترجمان نے اپنے بیان میں کہا کہ اسرائیل پر گرنے والے ایرانی میزائلوں کو دیکھ کر ہمیں دلی خوشی ہوئی ہے، کیونکہ یہ غزہ میں ہونے والے ہزاروں معصوم مسلمانوں کے قتل عام کا بھرپور جواب ہے۔

ترجمان نے خبردار کیا کہ اگر ایران اپنی طاقت کا استعمال نہ کرے تو نازی صیہونی (اسرائیل) ایک کے بعد دوسرے مسلم ملک پر قابض ہونے کی کوشش کریں گے۔ القسام بریگیڈ نے پوری مسلم امہ پر زور دیا ہے کہ وہ امریکہ اور اسرائیل کے ناپاک عزائم کے خلاف متحد ہو جائیں۔

دوسری جانب، ایران نے یہ واضح کر دیا ہے کہ آبنائے ہرمز کی بندش کے باوجود صرف دشمن ممالک کے علاوہ دیگر تمام ممالک کے جہاز وہاں سے گزر سکتے ہیں۔ تہران کا موقف ہے کہ اس کشیدگی کی تمام تر ذمہ داری امریکہ اور اسرائیل کے حملوں پر عائد ہوتی ہے۔