ایران کی دوخاتون صحافیوں کو امریکہ سے سازباز پر 7 سال تک کی سزاء

دبئی: ایران کی ایک عدالت نے دو خاتون صحافیوں کو امریکی حکومت کے ساتھ ”سازباز“ پر 7 سال تک کی جیل کی سزا سنائی۔ دونوں کو ستمبر2001ء میں مہساامینی کی پولیس تحویل میں موت کے کوریج کیلئے ایک سال کی جیل ہوگی۔

یہ ابتدائی سزا ہے جس کے خلاف اپیل 20 دن میں کی جاسکتی ہے۔ عدلیہ کی نیوزویب سائٹ میزان نے اتوار کے دن اطلاع دی کہ دو صحافیوں نیلوفرحامدی اور الٰہی محمدی کو بالترتیب7اور6 سال کی سزا سنائی گئی۔ نیلوفرحامدی نے ہیڈاسکارف ٹھیک سے نہ پہننے پر مہساامینی کی موت کی خبر سب سے پہلے دی تھی ۔

جبکہ الٰہی محمدی نے اس کے جنازہ کے تعلق سے لکھاتھا۔ تہران انقلابی عدالت نے دونوں کو دشمن امریکی حکومت کے ساتھ سازباز کا موردالزام ٹہرایا۔ مئی میں دونوں کو اقوام متحدہ نے آزادی صحافت کا ممتازایوارڈ دیاتھا۔