اسرائیل نے ’ خصوصی سیکوریٹی اسٹیٹس‘ میں اضافہ کردیا

تل ابیب: اسرائیل کے وزیر دفاع یوو گیلنٹ نے حکم دیا ہے کہ فلسطین- اسرائیل تنازعہ میں اضافہ کے درمیان ملک کے پورے علاقے میں ’’خصوصی سیکورٹی اسٹیٹس‘‘اضافہ کیا جائے اسرائیلی وزارت دفاع نے ایک بیان میں یہ اطلاع دی۔

 ریلیز میں کہا گیا ہے کہ ’’آپریشنل اندازے کے بعد، وزیر دفاع یوو گیلنٹ نے آج شام (ہفتہ، 7 اکتوبر 2023) کو ’خصوصی سیکیورٹی اسٹیٹس‘ میں توسیع کر دی ہے۔ یہ اسٹیٹس اب اسرائیل کے پورے علاقے پر نافذ ہوتا ہے‘‘ ۔

یہ قدم اسرائیل کی دفاعی افواج (آئی ڈی ایف) کو’’شہریوں کو حفاظتی ہدایات فراہم کرنے اور حفاظتی تقاضوں کے مطابق عوامی مقامات کو بند کرنے کا اہل بنائے گا۔‘‘

آئی ڈی ایف نے اتوار کو کہا کہ ناہل بریگیڈ کا کمانڈر 42 سالہ کرنل جوناتھن اسٹائن برگ جھڑپوں کے دوران مارے گئے۔ آئی ڈی ایف نے ’’ان کے اہل خانہ سے دلی تعزیت‘‘ کا اظہار کیا اور ’’اس مشکل وقت‘‘ میں ان کا ساتھ دینے کا وعدہ کیا۔

اس دوران ہاریٹز اخبار نے بتایا کہ جنوبی اسرائیل میں بیری کے کبوتز میں فلسطینی فورسز کے ہاتھوں یرغمال بنائے گئے اسرائیلی شہریوں کو کئی گھنٹوں کے بعد رہا کر دیا گیا۔

اخبار نے یہ بھی اطلاع دی ہے کہ غزہ پٹی کے مضافات میں متعدد بستیوں کا کنٹرول حاصل کرنے کے اعلان کے بعد اسرائیل میں پانچ مقامات پر جھڑپیں جاری تھیں۔

یونانی اخبار کاتھیمیرینی نے بتایا ہے کہ اسرائیل تنازع میں اضافے کے درمیان یونان سے 5000 ریزرو فوجیوں کو وطن واپس لانے کا منصوبہ بنا رہا ہے اور کہا کہ ایسا کرنے کے واسطے اسرائیل کے لیے 20 پروازوں کا منصوبہ بنایا گیا ہے۔