اسرائیل نے شام کے حلب ایر پورٹ پر میزائل داغا

دمشق: اسرائیل نے ہفتے کی رات شمالی شام کے حلب بین الاقوامی ہوائی اڈے پر میزائل داغا۔ شام کے سرکاری ٹی وی کے مطابق تین دنوں کے اندر ہوائی اڈے پر اسرائیل کا یہ دوسرا حملہ ہے۔

ایک رپورٹ کے مطابق جمعرات کو اسرائیل نے دارالحکومت دمشق اور حلب کے بین الاقوامی ہوائی اڈوں پر حملہ کیا، جس سے رن وے کو نقصان پہنچنے کے بعد انہیں عارضی طور پر بند کر دیا گیا۔

ہفتہ کو شام کی وزارت ٹرانسپورٹ نے کہا کہ نقصان کی مرمت کے بعد حلب کے ہوائی اڈے پر خدمات کو دوبارہ شروع کر دیا گیا ہے۔ حملے سے ہونے والے نقصان کا اندازہ لگایا جا رہا ہے۔