نیٹو کو مضبوط بنانے کے لیے اٹلی 3400 فوجی بھیجے گا

روم: اٹلی شمالی اٹلانٹک ٹریٹی آرگنائزیشن (نیٹو) کے مشرقی حصے کو مضبوط بنانے کے لیے اس سال 30 طیاروں کا استعمال کرتے ہوئے 3400 فوجی بھیجے گا۔

اٹلی کے وزیر دفاع گیڈو کروسیٹو نے جمعرات کو یہ اطلاع دی۔

اطالوی اخبار ‘کوریری ڈیلا سیرا’ نے مسٹر کروسیٹو کے حوالے سے کہا، "وزارت دفاع مشرقی حصے میں نیٹو کی جانب سے نافذ کیے جانے والے اقدامات میں حصہ لینا جاری رکھے گی،

وہ 600 آلات یونٹ، پانچ سمندری اور تقریباً 30 فضائی یونٹ سمیت 2023 میں کل 3400 فوجی اہلکار بھیجنے کے لیے پرعزم ہیں۔”

وزیرموصوف نے کہا کہ فوج پولینڈ اور یورو-اٹلانٹک فضائی علاقے کو مضبوط بنانے کے لیے تعاون کے طوپر بحیرہ بالٹک میں فضائی اور میزائل دفاعی صلاحیتوں کے ساتھ ایک جنگی جہاز تعینات کرنے کا ارادہ رکھتی ہے۔

مسٹر کروسیٹو نے کہا کہ اطالوی فوجی 9 نیٹومشن، 13 یورپی یونین کے مشن اور اقوام متحدہ کے سات مشن سمیت 43 غیر ملکی مشنوں میں حصہ لیں گے، جن پر 1.3 ارب یورو (1.4 ارب ڈالر) لاگت آئے گی۔