جیکلین فرنانڈیز کو بیرونی سفر کی اجازت

ممبئی: منی لانڈرنگ کیس میں مقدمہ کا سامنا کررہی اداکارہ جیکلین فرنانڈیز کو دہلی ہائی کورٹ سے بڑی راحت ملی ہے۔ عدالت نے جیکلین کی بیرونی سفر کی اجازت دینے کی درخواست پر سماعت کرتے ہوئے انہیں بیرون ملک جانے کی اجازت دے دی ہے۔

 مہاٹھگ سکیش چندرشیکھر200 کروڑ کی ٹھگی کے کیس میں جیکلین فرنانڈیز بھی ملزم ہیں۔ منی لانڈرنگ کیس میں اداکارہ آج دہلی کی پٹیالہ ہاؤس کورٹ میں پیش ہوئی تھیں۔ اس دوران انہوں نے عدالت سے بیرونی سفر کرنے کی اجازت طلب کی تھی۔

 اطلاعات کے مطابق جیکلین اب28/ مئی سے 12 جون تک بیرونی سفر کرسکتی ہیں۔ واضح رہے کہ منی لانڈرنگ کیس میں نام آنے کے بعد عدالت نے ان کے ملک سے باہر جانے پر پابندی عائد کردی تھی۔