حالت ِ نشہ میں لڑکا اور لڑکی کی سڑک پر ہنگامہ آرائی، ویڈیو وائرل

حیدر آباد : نشہ جب سر چڑھ کر بولتا ہے تو پھر کسی چیز کی پرواہ نہیں ہوتی ۔ نشہ کی حالت میں رات دیر گئے ہنگامہ آرائی تو عام بات بن گئی ہے لیکن صبح کے اولین اوقات بھی شرابی عام شہریوں کو پریشان کرنے لگے ہیں ۔

نشہ اگر مرد کرے اور ہنگامہ آرائی کرے تو تعجب نہیں جب لڑکی نشہ کی حالت میں ہنگامہ کرتی ہے تو پھر اُسے روکنا مشکل ہو جاتا ہے ۔ اس طرح کا ایک واقعہ شہر کے مضافاتی علاقہ نا گول میں پیش آیا ۔

اس سے قبل کے چہل قدمی کرنے والے پولیس کو طلب کرتے لڑکی اپنے ساتھی کے ساتھ فرار ہوگئی ۔ تاہم لڑکی اور اس کے ساتھی کی حرکت کو ویڈیو میں ریکارڈ کر لیا گیا جو سوشیل میڈیا پر وائرل ہو گیا ہے ۔

جس میں صاف طور پر لڑکی کو نشتہ کی حالت میں دھت اور سماجی ذمہ داری سے بے پرواہ دیکھا جاسکتا ہے ۔ ایک ہاتھ میں شراب کی بوتل اور دوسرے ہاتھ میں سگریٹ جلائے ہوئے لڑکی مردانہ انداز میں چہل قدمی کرنے والوں کو مبینہ طور پر ڈرا رہی تھی ۔

سڑک پر شراب نوشی کرنے والے اس جوڑے کی اس حرکت پر مقامی عوام نے اعتراض کیا ۔ لڑکی ان سے الجھ پڑی اور قابل اعتراض انداز میں ان سے بحث و تکرار کرنے لگی ۔

چند افراد اس کی ویڈیو نکالنے لگے اور لڑکی بھی ویڈیو گرافی کر رہی تھی ۔ ساتھی لڑکے کے لاکھ منانے پر بھی لڑکی سنبھل نہیں رہی تھی ۔ جینز اور ٹی شرٹ زیب تن لڑکی مردانہ تیور دکھاتے ہوئے شہریوں کو برا بھلا کہنے لگی ۔

جبکہ اس کے ساتھ موجود شخص بھی اس کو قابو کرنے کی کوشش کر رہا تھا ۔ جس کے ہاتھ میں شراب کی بوتل تھی۔ کچھ دیر بعد لڑکی خود کار چلاتے ہوئے چلی گئی ۔