راہل گاندھی نے تلنگانہ کے میڈی گڈہ بیریج کافضائی معائنہ کیا

حیدرآباد: کانگریس لیڈر راہل گاندھی نے جمعرات کی صبح تلنگانہ کے میڈی گڈہ بیریج کافضائی معائنہ کیا۔ اس موقع پر وہ بذریعہ ہیلی کاپٹرکالیشورم پراجکٹ کے لکشمی بیریج پہنچے۔

بعد ازاں انہوں نے میڈی گڈہ سے بذریعہ ہیلی کاپٹرحیدرآباد واپس ہوئے۔قبل ازیں پراجکٹ پر پہنچنے پر وہاں پر بڑی تعداد میں تعینات پولیس نے راہل گاندھی کو معائنہ کی اجازت نہیں دی۔

تاہم کانگریس لیڈروں کی درخواست پر راہل گاندھی کو لکشمی بیریج کے فضائی معائنہ کی اجازت دے دی گئی۔

جس کے بعد انہوں نے اس بیریج کا فضائی معائنہ کیا۔راہل گاندھی کے ساتھ صدر پی سی سی ریونت ریڈی،سی ایل پی لیڈر بھٹی وکرمارکا، سابق وزیر سریدھر بابو اور دیگر موجود تھے۔