مہاراشٹرا

اورنگ آباد نام کی تبدیلی کیخلاف بھوک ہڑتال جاری

ریاستی حکومت کے اس فیصلے کے خلاف بھوک ہڑتال کا آج تیسرا دن ہے۔ اورنگ آباد کا نام تبدیل کرنے کے خلاف کریتی سمیتی کی جانب سے بھوک ہڑتال کی جارہی ہے۔

چھترپتی سنبھاجی نگر: مہاراشٹر کے اورنگ آباد ضلع کا نام بدل کر چھترپتی سنبھاجی نگر کرنے کے خلاف کلکٹر کے دفتر کے سامنے بھوک ہڑتال جاری ہے۔

ریاستی حکومت کے اس فیصلے کے خلاف بھوک ہڑتال کا آج تیسرا دن ہے۔ اورنگ آباد کا نام تبدیل کرنے کے خلاف کریتی سمیتی کی جانب سے بھوک ہڑتال کی جارہی ہے۔

آل انڈیا مجلس اتحاد المسلمین (اے آئی ایم آئی ایم) کے رکن پارلیمنٹ امتیاز جلیل نے بھی اس بھوک ہڑتال کی حمایت کی ہے۔ مسٹر جلیل پچھلے تین دنوں سے بھوک ہڑتال میں شریک نظر آرہے ہیں۔

خاص بات یہ ہے کہ اس بھوک ہڑتال میں نوجوانوں کی بڑی بھیڑ دیکھی جارہی ہے۔ مختلف تنظیموں نے تعاون کے ساتھ اس مقام پر اپنی موجودگی درج کرائی ہے۔ ایک طرف جہاں اورنگ آباد کا نام بدلنے کے خلاف بھوک ہڑتال جاری ہے، وہیں بھوک ہڑتال کے خلاف احتاج بھی ہورہے ہیں۔

مہاراشٹر نونرمان سینا (ایم این ایس)، شیو سینا (شندے گروپ)، سکل ہندو ایگریگیشن کمیٹی، مراٹھا کرانتی مورچہ کے کوآرڈینیٹر اور بھارتیہ جنتا پارٹی (بی جے پی) نے بھوک ہڑتال کی مخالفت کی ہے۔

بی جے پی نے اس کے خلاف احتجاج کا انتباہ دیا ہے۔ اس لیے نام تبدیل کرنے کے معاملے پر مستقبل میں سیاسی ماحول گرم ہونے کا امکان ہے۔