حکومت تلنگانہ پر گورنر کی تنقید پر کویتا برہم

حیدرآباد: جشن جمہوریہ کی تقریر کے دوران گورنر تلنگانہ ڈاکٹر تمیلی سائی سوندرا راجن کی حکومت تلنگانہ پر تنقید پر بی آر ایس رکن کونسل کے کویتا نے برہمی کااظہار کیا۔

گورنر کی تقریر پر ردعمل ظاہر کرتے ہوئے کویتا نے مائیکرو بلاگنگ پلاٹ فارم ٹوئٹر پر پوسٹ کیا کہ جب کورونا کے دوران ملک انتہائی نازک صورتحال سے گذر رہا تھا تب بی آر ایس پارٹی نے مرکزی حکومت سے خواہش کی تھی کہ وہ سنٹرل وشا پراجکٹ کے بجائے عوام کو بنیادی سہولتوں کی فراہمی پر توجہ دئے۔

کویتا نے کہا کہ ہم صرف چند افراد کے ہاتھ میں جملہ دولت رکھنے کے بجائے کسانوں، اقلیتوں، بے روز گار نوجوانوں کے مسائل کا حل دریافت کرنے کیلئے جدوجہد میں مصروف ہیں۔

نہوں نے اپنے ٹوئٹ میں مزید تحریر کیا کہ آج کے خصوصی دن، گورنر کی جانب سے کے چندر شیکھر راؤ کی جانب سے کئے جارہے سوالات کو دوبارہ دہرانے کیلئے وہ تمیلی سائی سوندرا راجن کا شکریہ ادا کرتی ہیں۔