قازقستان، ازبکستان 2034 فیفا ورلڈ کپ کی مشترکہ میزبانی کرنا چاہتے ہیں

آستانہ: قازقستان فٹ بال فیڈریشن کے صدر ایڈلٹ برمین کولوف نے تجویز پیش کی ہے کہ قازقستان اور ازبکستان 2034 فیفا ورلڈ کپ کی مشترکہ میزبانی کے لیے مشترکہ بولی پیش کرنے کے خواہش مند ہیں۔

ازبک فٹ بال نیوز پورٹل چمپئن ایٹ ڈاٹ ایشیانے جمعہ کو اپنی ایک رپورٹ میں یہ اطلاع دی۔ رپورٹ میں کہا گیا ہے کہ مسٹر برمنکولوف نے کرغزستان میں منعقدہ وسطی ایشیائی ترک زبان بولنے والی ریاستی فٹ بال فیڈریشنوں کے رہنماؤں کی میٹنگ کے دوران یہ تجویزپیش کی۔

میڈیا نے برمینکولوف کے حوالے سے کہا کہ حالیہ برسوں میں قازقستان اور ازبکستان کی فٹ بال فیڈریشنوں کے درمیان دوستانہ تعلقات ایک نئی سطح پر پہنچ چکے ہیں۔ اس دوران قومی ٹیموں اور کلبوں کے درمیان دوستانہ میچ کا انعقاد کیا جا رہا ہے۔