کے سی آر نے بیٹی کوشراب اسکام میں بچانے بی جے پی کے سرکردہ رہنماؤں کے فون ٹیپ کیئے:لکشمن

حیدرآباد: بی جے پی لیڈر ورکن پارلیمنٹ کے لکشمن نے تلنگانہ کی پیشروبی آرایس حکومت پر فون ٹیپنگ کے ذریعہ قانون کی خلاف ورزی کا الزام لگایا۔ انہوں نے مطالبہ کیا کہ ان افراد کے خلاف کارروائی کی جانی چاہئے جو کسی کی بھی ذاتی آزادی کو نشانہ بناتے ہیں۔

لکشمن نے الزام لگایا کہ سابق وزیراعلی کے چندرشیکھرراو نے اپنی بیٹی کو دہلی شراب اسکام معاملے سے بچانے کے لیے بی جے پی کے سرکردہ رہنماؤں کے فون ٹیپ کیے تھے۔

انہوں نے سوال کیا کہ ریاست کی ریونت ریڈی حکومت ان افرادکے ساتھ نرم رویہ کیوں دکھا رہی ہے جنہوں نے اس طرح کی حرکتیں کی ہیں۔ لکشمن نے انتباہ دیتے ہوئے کہا کہ اگر ریاستی حکومت فون ٹیپنگ کیس کو ختم کرے گی تو اس کا بھی وہی انجام ہوگا جو بی آرایس پارٹی کا ریاست میں ہوا ہے۔