اے پی:90 الکٹرک گاڑیاں چارجنگ کے دوران جل کر خاکستر

حیدرآباد: آندھراپردیش کے ضلع سریکاکلم میں ایک شوروم میں رکھی تقریبا 90الکٹرک گاڑیاں جل کر خاکستر ہوگئیں۔

یہ گاڑیاں چارجنگ کیلئے لگائی گئی تھیں۔

عہدیداروں نے کہا کہ آگ تیزی کے ساتھ متصل ہارڈویر کی دکان میں پھیل گئی تاہم اس واقعہ میں کسی کے جھلسنے یا پھر کسی کی موت کی کوئی اطلاع نہیں ملی ہے۔

اس بات کی اطلاع کے ساتھ ہی فائر بریگیڈ کے اہلکاروں نے وہاں پہنچ کر آگ پر قابو پایا۔

عہدیداروں نے کہاکہ اس واقعہ میں 90گاڑیاں جل کر مکمل طورپر خاکستر ہوگئیں۔

انہوں نے کہاکہ راحتی کام کئے جارہے ہیں۔