کے سی آر کالیشورم کو اے ٹی ایم کے طور پر استعمال کررہے ہیں: ریونت ریڈی

حیدرآباد: صدرتلنگانہ کانگریس ریونت ریڈی نے کہا ہے کہ حیدرآباد کے لیڈروں کو کانگریس پر تنقید کرنے کا کوئی حق نہیں ہے۔ انہوں نے الزام لگایا کہ وزیراعلی کے چندرشیکھرراو کالیشورم کو اے ٹی ایم کے طور پر استعمال کررہے ہیں۔

 پالمورو۔رنگا ریڈی پراجکٹ کے لئے کئے گئے اشتہارات کی قیمت لاگت سے زیادہ ہے۔ ریونت ریڈی نے شہر حیدرآباد کی ہوٹل تاج کرشنا میں میڈیا سے بات کرتے ہوئے چندرشیکھرراو حکومت پر تنقید کرتے ہوئے کہاکہ چندرشیکھرراو کا خاندان دہلی شراب گھوٹالے میں ملوث ہے۔

چندرشیکھرراو الیکشن جیتنے کے لیے اپنی بیٹی کو جیل بھیجنے تیار ہیں۔ وہ کویتا کی گرفتاری سے ہمدردی حاصل کرنے کی کوشش کر رہے ہیں۔ چندرشیکھرراو اور بی جے پی کے ریاستی صدرکشن ریڈی مختلف نہیں ہیں۔