کھمم واقعہ، لاش کے ساتھ رشتہ داروں کا احتجاج

حیدرآباد: تلنگانہ کے ضلع کھمم میں بی آرایس کے اجلاس کے دوران گیس سلنڈر کے پھٹ پڑنے کے واقعہ کے سبب دو ہلاکتوں کے واقعہ پر مہلوکین کے آبائی علاقوں میں غم کی لہر دوڑ گئی۔

 پوسٹ مارٹم کے بعد ان کی لاشوں کو ان کی رہائش گاہوں پر پہنچا دیا گیا۔

جب منگو نامی شخص کی لاش کو چملا پاڈومنتقل کیا گیا تو گاؤں میں غم کی لہردوڑگئی۔

گاؤں والوں نے لاش کو گاڑی میں رکھ کر احتجاج کرتے ہوئے کہا کہ جب تک معاوضہ کی رقم کے بارے میں وضاحت نہیں کی جائے گی آخری رسومات ادا نہیں کی جائیں گی۔

اس احتجاج کی اطلاع پاکر پولیس وہاں پہنچی جس نے احتجاجیوں کے جذبات کو سرد کرتے ہوئے ان کے اس احتجاج کو ختم کروایا۔

حکومت نے مرنے والوں کے افراد خاندان کے لیے 10 لاکھ زخمیوں کے لیے 2 لاکھ مالی امداد کا اعلان کیا ہے۔