راؤت نے قتل کے ملزم کے ساتھ شنڈے کے لڑکے کی تصویر شیئر کی

ممبئی: شیوسینا (یو بی ٹی) ایم پی سنجے راؤت نے سوشل میڈیا پر ایک تصویر پوسٹ کی جس میں مہاراشٹرا کے چیف منسٹر ایکناتھ شنڈے کے لڑکے ایم پی شری کانت شنڈے کو ضمانت پر رہا قتل کا ملزم مبارکباد دیتا نظر آرہا ہے۔

ایکس پر راؤت کا یہ پوسٹ ایک ایسے وقت سامنے آیا جب تین دن قبل حکمراں بی جے پی کے ایک رکن اسمبلی نے شنڈے گروپ کی شیوسینا کے مقامی لیڈر کو پولیس اسٹیشن میں مبینہ طور پر گولی ماردی۔

اتوار کو کئی افراد نے شری کانت شنڈے کو ان کی سالگرہ پر مبارکباد دی۔ ان میں پونے کا ساکن ہیمنت دابھیکر بھی شامل تھا جو مارنے گینگ کے ایک اہم رکن کشور مارنے کے قتل کا ملزم ہے۔