کے ٹی آر کی پرانے شہر میں بنگارو میسما مندر آمد، خصوصی پوجا میں شرکت
کے ٹی آر کی مندر آمد پر مقامی افراد، پارٹی کارکنوں اور حامیوں نے روایتی انداز میں ان کا پرتپاک استقبال کیا۔ اس موقع پر انہیں بونم پیش کیا گیا، جو تلنگانہ کے معروف بونالو تہوار کی اہم روایت ہے۔
حیدرآباد: بی آر ایس کے ورکنگ پریسیڈنٹ کے ٹی راما راؤ (کے ٹی آر) نے حیدرآباد کے پرانے شہر میں واقع بنگارو میسما مندر پہنچ کر دیوی کے درشن کیے اور خصوصی پوجا میں شرکت کی۔
کے ٹی آر کی مندر آمد پر مقامی افراد، پارٹی کارکنوں اور حامیوں نے روایتی انداز میں ان کا پرتپاک استقبال کیا۔ اس موقع پر انہیں بونم پیش کیا گیا، جو تلنگانہ کے معروف بونالو تہوار کی اہم روایت ہے۔
کے ٹی آر نے مندر میں امّاوَرو کے درشن کیے اور خصوصی پوجا ادا کی۔ انہوں نے مندر میں موجود عقیدت مندوں سے بھی ملاقات کی اور تہوار کے موقع پر لوگوں کو مبارکباد پیش کی۔
حیدرآباد میں ان دنوں بونالو کی تقریبات جاری ہیں، جس کے تحت شہر کے مختلف مندروں میں عقیدت مند خصوصی پوجا کرتے ہوئے دیوی کو بونم پیش کر رہے ہیں۔
کے ٹی آر کے دورۂ مندر کے موقع پر بی آر ایس کے مقامی قائدین، کارکنان اور حامی بھی موجود تھے۔
