اسرائیلی حملہ میں صحافی کی ہلاکت، لبنان اقوام متحدہ میں شکایت کرے گا

بیروت: لبنان کی وزارت خارجہ نے اقوام متحدہ میں ملک کے مشن کو ہدایت دی ہے کہ وہ اسرائیلی حملے میں رائٹرز کے لیے کام کرنے والے لبنانی صحافی عصام عبداللہ کی موت اور اے ایف پی اور الجزیرہ کے صحافیوں کے زخمی ہونے پرقومی سلامتی کونسل سے شکایت کریں۔

یہ اطلاع لبنانی نشریاتی ادارے ایل بی سی آئی نے ہفتے کے روز دی۔ جمعہ کو رائٹرز نے تصدیق کی کہ جنوبی لبنان میں صحافیوں کو لے جانے والی ایک کار پر اسرائیلی حملے میں عبداللہ کی موت ہوگئی۔ الجزیرہ نے بتایا کہ اس حملے میں مزید تین صحافی زخمی ہوئے ہیں، جس میں اس کے دو اہلکار شامل ہیں۔

رپورٹ میں کہا گیا کہ لبنان کی وزارت خارجہ نے اس کے لئے اسرائیل کو ذمہ دار ٹھہرایا اور خبردار کیا کہ اسرائیل کو حملے سے روکنے میں ناکامی پورے خطے کو مشتعل کرے گی، عالمی امن و سلامتی کو خطرہ ہوگا اور پوری دنیا کے مفادات کو خطرے میں ڈال دے گا۔

 جنوبی لبنان اس وقت اسرائیلی فائرنگ کی زد میں آ گیا جب اسرائیلی دفاعی فورسز نے لبنانی مسلح گروپ حزب اللہ پر اسرائیلی علاقے میں راکٹ داغنے کا الزام لگایا۔