اے پی کے ضلع پرکاشم میں زلزلے کے جھٹکے، عوام کی بڑی تعداد گھروں سے نکل آئی

حیدرآباد: آندھراپردیش کے ضلع پرکاشم میں بعض مقامات پرزلزلے کے ہلکے جھٹکے محسوس کئے گئے۔یہ جھٹکے اتوار کی صبح محسوس کئے گئے جس کے ساتھ ہی عوام کی بڑی تعداد اپنی جان بچانے کیلئے سڑکوں پر نکل آئی۔

کئی افراد نے اپنے رشتہ داروں اور دوستوں کو فون کرتے ہوئے ان کی خیریت دریافت کی۔ضلع کے مندلاموروگاوں میں یہ جھٹکے صرف دو تا تین سکنڈس کے لئے محسوس کئے گئے۔

بعض مقامی افرادنے کہا کہ انہوں نے خوفناک آوازیں بھی ان جھٹکوں سے پہلے سنیں۔زلزلہ کے پیمائش کرنے والے سسمالوجی ڈپارٹمنٹ نے ہنوز ان جھٹکوں کی تصدیق نہیں کی ہے۔ان جھٹکوں کے نتیجہ میں کسی جانی نقصان یا پھر عمارتوں کو کسی بھی قسم کے نقصان کی کوئی اطلاع نہیں ملی ہے۔