حیدرآباد میں شراب سے بنی آئس کریم فروخت، محکمہ اکسائز کا آئسکریم پارلر پردھاوا (ویڈیو وائرل)

حیدرآباد: محکمہ ایکسائز نے جوبلی ہلز کے ایک آئس کریم پارلر پر دھاوا کیا جہاں غیر قانونی طور پر شراب سے بنی آئس کریم فروخت کی جا رہی تھی۔ اریکوکیفے نامی آئسکریم پارلر نے اپنے گاہکوں کو شراب سے بنی آئس کریم فروخت کرررہا تھا۔

دھاوے کے دوران 23 آئس کریم کے ٹکڑوں میں کل 11.5کلو گرام غیر قانونی آئس کریم برآمد ہوئی جس میں ہر کلو میں 60 ملی لیٹر شراب ملائی گئی تھی۔ اس کارروائی میں  پارلر کے مالک شرتھ چندر ریڈی اور اُس کے دو ملازمین دیاکرریڈی اور شوبھن کو گرفتار کرلیا گیا جو اس غیر قانونی کاروبار میں ملوث تھے۔

حکام کا کہنا ہے کہ یہ آئس کریم فیس بک کے ذریعہ تشہیر کی جارہی تھی جس کا مقصد بالغ گاہکوں کو آمادہ کرنا تھا۔ اس کے ساتھ ہی حکام نے بچوں کو الکحل پر مبنی مصنوعات کی فروخت پر سخت کارروائی کا انتباہ دیا ہے۔ اس کیس میں ملوث افراد کے خلاف مقدمہ درج کرلیا گیا ہے اور مزید تحقیقات جاری ہے۔