شمالی بھارت

’مودی، تیسری مرتبہ وزیراعظم بنیں گے‘

بدرالدین اجمل (مولانا بدرالدین اجمل قاسمی) نے کہا ہے کہ 3 ریاستوں کے اسمبلی الیکشن میں بی جے پی کی جیت نے ثابت کردیا ہے کہ نریندر مودی‘ تیسری مرتبہ وزیراعظم بنیں گے۔

گوہاٹی: آل انڈیا یونائٹیڈ ڈیموکریٹک فرنٹ (اے آئی یو ڈی ایف) سربراہ بدرالدین اجمل (مولانا بدرالدین اجمل قاسمی) نے کہا ہے کہ 3 ریاستوں کے اسمبلی الیکشن میں بی جے پی کی جیت نے ثابت کردیا ہے کہ نریندر مودی‘ تیسری مرتبہ وزیراعظم بنیں گے۔

متعلقہ خبریں
بدرالدین اجمل پر مسلمانوں کو مشتعل کرنے کا الزام
مولانا بدرالدین اجمل کی پارٹی، انڈیا اتحاد کی حامی
سناتن دھرم کا خاتمہ محض بیان بازی نہیں: بی جے پی
الکٹورل بانڈس سے متعلق سپریم کورٹ کا تاریخ ساز فیصلہ: شجاعت علی صوفی
سب کو ساتھ لے کر چلنے والی حکومتیں ضروری : مودی

نتائج پر ردعمل ظاہر کرتے ہوئے انہوں نے گوہاٹی میں پیر کے دن میڈیا سے کہا کہ انہیں توقع نہیں تھی کہ بی جے پی‘ ریاستی انتخابات میں بہتر مظاہرہ کرے گی۔

بدرالدین اجمل نے کہا کہ میرا خیال تھا کہ کانگریس کم ازکم 3 ریاستیں جیتے گی۔ نتائج پر نظر ڈالیں تو واضح ہوجاتا ہے کہ نریندر مودی‘ تیسری مرتبہ ملک کے وزیراعظم بنیں گے۔

انہوں نے آسام کانگریس کے صدر بھوپن بورا پر تنقید کرتے ہوئے کہا کہ وہ آسام میں پارٹی چلانے کے اہل نہیں ہیں۔ انہیں فوری مستعفی ہوجانا چاہئے۔ آسام میں کانگریس‘ بی جے پی کی بی ٹیم بن گئی ہے۔

کانگریس قائدین‘ چیف منسٹر ہیمنت بشواشرما کے ہاتھوں بک چکے ہیں۔ بدرالدین اجمل‘ اگلے عام انتخابات کے لئے کانگریس سے ہاتھ ملانا چاہتے تھے لیکن آسام پردیش کانگریس قیادت کی سخت مزاحمت کی وجہ سے ان کی پارٹی اے آئی یو ڈی ایف‘ اپوزیشن انڈیا بلاک کا حصہ نہیں بن سکی۔