بی آر ایس کے مزید 2 امیدواروں کا اعلان، سابق آئی اے ایس و آئی پی ایس عہدیداروں کو ٹکٹ

حیدرآباد: بھارت راشٹرا سمیتی (بی آر ایس) نے جمعہ کے روز ریاست میں 13 مئی کو منعقدشدنی لوک سبھا الیکشن کے سلسلہ میں پارٹی کے مزید 2امیدواروں کے ناموں کا اعلان کیا ہے۔

پارٹی سربراہ کے چندر شیکھر راؤ نے حلقہ لوک سبھا میدک سے سابق آئی اے ایس آفیسر وینکٹ رام ریڈی کو ٹکٹ دیا ہے

جبکہ حلقہ ناگر کرنول سے سابق آئی پی ایس آفیسر آر ایس پروین کمار جوچند دن قبل بی ایس پی سے استعفیٰ دے کر بی آر ایس میں شامل ہوئے ہیں، پارٹی امیدوارہوں گے۔

اس طرح پارٹی سربراہ کے سی آر نے اب تک 17 کے منجملہ13 لوک سبھا نشستوں کیلئے پارٹی امیدواروں کے ناموں کا اعلان کیا ہے۔ پروین کمار کو گذشتہ نومبر میں منعقدہ اسمبلی انتخابات میں حلقہ اسمبلی سرپور سے شکست اٹھانی پڑی تھی۔