ملک  میں گزشتہ 24 گھنٹوں کے دوران کورونا کے 5 ہزار سے زائد نئے کیسس

نئی دہلی: ملک میں گزشتہ 24 گھنٹوں کے دوران کووڈ انفیکشن کے پانچ ہزار سے زیادہ نئے کیسز سامنے آئے ہیں اور اس کے ساتھ ہی فعال کیسوں کی کل تعداد 32 ہزار سے تجاوز کر گئی ہے۔

صحت اور خاندانی بہبود کی مرکزی وزارت نے اتوار کو یہاں بتایا کہ ملک میں گزشتہ 24 گھنٹوں کے دوران 5357 نئے لوگ کووڈ سے متاثر ہوئے ہیں۔ اس کے ساتھ ہی کووڈ متاثرین کی تعداد بڑھ کر 32814 ہو گئی ہے یومیہ انفیکشن کی شرح 3.39 فیصد ریکارڈ کی گئی ہے۔

وزارت کے مطابق گزشتہ 24 گھنٹوں میں 3726 لوگ کووڈ انفیکشن سے صحت یاب ہوئے ہیں۔ ری کوری کی شرح 98.74 فیصد ہے۔ اسی عرصے میں 157894 کووڈ انفیکشن ٹیسٹ کیے گئے ہیں۔

گزشتہ 24 گھنٹوں کے دوران 659 کووڈ ویکسین لگائی گئی ہیں۔ اس کے ساتھ ہی ملک میں 220.66 کروڑ سے زیادہ کووڈ ویکسین لگائی جاچکی ہیں۔